مجازی ده

بیر سورو قویون یاتیب سانال (مجازی) دونیادا، آخماق آخماق گلیب گئدنه سویوش یازیب یامان دئییرلر. سن ندن گل ووروب سئویندین، ندن گولدون، نفس آلدین، دیندین، دانیشدین!

نییه نمنه اولوب؟ هن بیز دادخواه جاوید نامانان میهن ایق مثلا! کیلاسی وار دا! ژست مبارز توتوبلار! دوز یا ترسه ایشیم یوخ بونلارین عاغلی هئچ قیرمیزی بالیقجادا دئییل گئجه نی اینترنشنالا باخیب جو توتوب ایندی بیر یول مرگ بر سه فاسد ملا، چپی، مجاهد، دئییرلر. آخی بامبیلی سن هئچ بیلیرسن چپ ندیر راست ندیر. شاهدان دا خوشون گلیر اونا گؤره کی اوزونو سه تیغ ووروب شیک و پیک گئیینیردی یوخسا گلیب خیاباندا او قرومساقلیق بؤرکونو اوجا قویان رضا پهلوی یه آللانیب خالقین یئنی یئتمه جاوانلارینی گودازا وئرمزدیز کی.

او دارغا شایید علی کریمی نین یوخسا فینجان اوینادان مهناز افشارین هئچ عاغیل لاری اؤزلرینی گؤرور کی هله گلیب میللته یول گؤستریجی اولالار. دوننه دک محرم آیی دوربین لر قاباغیندا قازان باشیندا دوروب غذای نذری لَپه سی دوزن سلبریتی لری چوخدا جدی توتمایاسان گرک هله ایرانی فتح ائدیب قورتارمادان تورکیه یه شمشیر چکیب دئییرلر: بعد آزادی میهنمون به سراغ شما هم خواهیم اومد! هیه به چکیلین بشیر گلیر!

دوستلاردان بیری یازمیش کن، ایران اینترنشال تاماشا ائدن جاماعات ایله هئچ بیر کلمه ده سیاسی بحث ائدیب دینیب دانیشمادان گرک دئیه سن: هاوا نئجه دی یاغینتی وار یا یوخ؟ یوخسا فوتبال دان دینیب دانیشیب صوحبتی دییشه سن داها یاخجی دیر. البته فوتبالادا دوزمه دن بیر ایکی یامان ساییب دییه جکلر فیلان بازیکن نییه گل ووروب سئویندی! آما اینترنشنالین یاس مراسیملرینده آغی یوخ رقص ائتمه چاغیرلیشلارینی خوشلاییرلار.

بلی بونو دانماق اولماز کی او ضربه نی کی جمهوری ایسلامی ایسلاما یوخسا خالقین اعتقاداتینا ووروب کل - ی عالم ییغیشا وورا بیلمزدی و میللت بو آجی اولایلاردان قاباق دا مسجیدلردن اوز دوندررک سالون لاردا ختم مراسیمی توتورلار. آنجاق بو آجی اولایلار ایله ایگیلی شاهچی فارس مئدیالاریندا ایلگیلنمه سی و ایسلاما، عربلره قارشی یوخسا تورکلره نفرت بسله مه لری قاچیلمازدیر. اونلارین اساس آماجی ایران دا راسیسم بیر شاهلیق حوکومتین ایشه گلمه سی دیر و طبیعی کی هیجانی حیس لر یاتدیقدان سونرا هئچ بیر مدنی حرکات ایران دا بونا دوزمز باخمایاراق کی ایران اینترنشال تلویزیونونا باخان مقلدلر هر گئجه آخشام شاهین گلیش ایله آیدین سحرین مژده سینی وئریرلر!

آیین شایین ـ 041114